Nag-file si former Iloilo City Councilor Plaridel Nava sa Korte Suprema sang petition for certiorari nga nagahangkat sa ginhatag ni President Ferdinand Marcos, Jr. nga executive clemency kay former Iloilo City Mayor Jed Patrick Mabilog.
Sa petition ni Nava, ginplastar sini nga indi mahimo i-subject sa executive clemency ang administrative dismissal nga gin-issue sang Office of the Ombudsman base sa una nga ruling sang Korte Suprema.
Ang executive clemency nga ginhatag sang presidente ang angot sa dismissal order nga ginpapanaug sang Ombudsman batok kay Mabilog sa administrative case nga ginpasaka ni Mr. Manuel Mejorada sang tuig 2017 kaangut sa Statement of Assets,Liabilities and Net Worth ukon SALN ni Mabilog.
Ginsiling ni Nava nga nagapangatubang sa gihapon ang anay alkalde sang kaso- kriminal sa Sandiganbayan gani ineligible ini nga mahatagan sang executive clemency ni Marcos.
Sa amo nga petition, ginahingyo ni Nava sa Supreme Court nga ideklarar nga null and void ang executive clemency bangud nagasupak ini sa kun ano ang ginamando sa 1987 Constitution.
Luyag man ni Nava nga ideklarar ang respondent nga si Executive Secretary Lucas Bersamin nga nagkumiter sang grave abuse of discretion sa paghatag sang clemency kay Mabilog.
Matandaan nga ginpirmahan ni Executive Secretary Lucas Bersamin ang executive clemency sang Enero15,2025.
