Preparado na ang Department of Education (DEPED) Region VI para sa Western Visayas Regional Athletic Association (WVRAA) Meet 2025.
Sa interview sang Bombo Radyo kay Mr. Hernani Escullar Jr., spokesperson sang Department of Education Region VI, iya ginpahayag nga ang Schools Division of Antique ang mangin host sa subong nga Western Visayas Regional Athletic Association Meet.
Suno kay Escullar, may mga athlete kag coaches naman nga nag-abot na sa Antique kon sa diin, may patigayunon nga pagsinapol sa Marso agud matumod ang mga venue, scheduling, kag ma-assess ang mga atleta sa amo nga hinampang.
Samtang, sa Marso 2, 2025 sa hapon, pagahiwaton ang parade sa Binirayan Sports Complex.
Magalawig halin Marso 3 tubtob 7, 2025 ang competition proper kag sa pinakaulihi nga adlaw naman hiwaton ang awarding ceremony.
Ginpahayag man sini nga 80% sang venue sang hinampang ang yara sa San Jose, Antique.
Nagpadulong man ang katapo sang DEPED sa lugar agud nga masekyar ang kuryente kag tubig nga isa sa nagapanguna nga kinahanglanon.
Handa naman ang medication sang talatapan agud nga magbulig sa mga atleta nga posible mag-angkon sang health emergency problem.
Nahibaluan nga yara 2,970 ka mga atleta kag masobra 2,000 ka mga coaches kag manunudlo ang magapartisipar sa kahiwatan.
