Padayon ang pagbantay sang Iloilo City Heath Office sang mga kaso sang dengue sa syudad.
Sa interview sang Bombo Radyo kay Dr. Jan Reygine Ansino-Hortinela, medical officer III sang Iloilo City Heath Office, iya ginpahayag nga tuman ka importante ang pagpaninlo sa palibot bangud ini ang isa ka pamaagi agud matapna ang pagdamo sang lamok.
Suno kay Hortinela, 11% nga mas manubo ang kaso subong sang dengue sa syudad sugod sang Enero tubtob Pebrero kon ikumpara sa nagligad nga tuig sa kapareho nga period.
Ginpasigurado man sang CHO nga tayuyon ang ginahiwat nga pamulong-pulong sa tagsa ka mga barangay agud ma-edukar ang pumuluyo.
Santo sa data sang talatapan, sugod Enero 1 tubtob Pebrero 24, 2025, isa na ang napatay, samtang may tatlo ka aktibo nga kaso 3, kag 104 ang nakarecover.
Nagpanugyan man ini sa publiko nga himuon ang 5S kontra Dengue – Search and Destroy breeding sites, self-protective measures, seek early consultation, support fogging, kag sustain hydration.
