Nagtuga sang pagpugok sa trapiko ang pagkarambola sang walo ka mga salakyan sa Muelle Loney, City Proper.
Sa interview sang Bombo Radyo kay Police Corporal Jun Oliver Diaz, imbestigador sang Iloilo City Police Office Traffic Enforcement Unit, iya ginpahayag nga lakip sa mga nagbunggo-anay amo ang apat ka mga taxi, isa ka motorsiklo, duha ka pribado nga salakyan, kag isa ka 10-wheeler truck.
Suno kay Diaz, gulpyada nga nagpondo ang truck kag nag-atras rason nga nalab-ot ang mga kaingod sini nga motorista.
Gintuad man sini nga santo sa panaysayon sang driver sang truck, napatay ang makina kag ginhingagaw pa sini nga bangilan apang, nag-atras.
Halin ang walo ka mga salakyan sa Freedom grandstand kag padulong kontani sa intersection sang Drilon Bridge.
Gina-track down naman sang talatapan ang closed circuit television agud nga matumod ang rason sang pagkarambola sang mga salakyan.
