Nag-upod si United States Ambassador MaryKay Carlson sa mga opisyal sang Pilipinas nga nagpatigayon sang tour sa West Philippine Sea samtang sakay sa American maritime patrol aircraft.
Lakip sa mga opisyal nga yara sa tour amo sanday Executive Secretary Lucas Bersamin, Chief Justice Alexander Gesmundo, Presidential Assistant on Maritime Concerns Andres Centino kag Philippine Coast Guard Commandant Admiral Ronnie Gil Gavan.
Sa iya post sa X, gingamit ni Carlson ang hashtags nga #FriendsPartnersAllies for a #FreeAndOpenIndoPacific nga masami ginagamit sa mga diskusyon kag statements nga naangot sa relasyon sang Estados Unidos kag Pilipinas amo man sa padayon nga pag-claim sang China pati sa West Philippine Sea.
Suno sa US Embassy, ini nga aerial tour ang kabahin sang regular engagement sa senior Philippine leaders sa isyu nga pareho nga involved ang duha ka pungsod lakip na ang international maritime law.
Ang ila ginsakyan nga P-8 Poseidon maritime patrol aircraft isa ka multi-mission maritime patrol aircraft nga kilala sa anti-submarine warfare; anti-surface warfare; intelligence, surveillance and reconnaissance kag mangin sa search and rescue.
