Nagtukod ang Iloilo City Government sang Multi-Disciplinary Team agud matapna ang pagdata sang kinagamo sang mga kabataan sa Iloilo City.
Ini kasunod man sa kinagamo sang duha ka grupo sang mga estudyante nga involved sa stabbing incident sa distrito sang Molo.
Sa interview sang Bombo Radyo kay Ms. Grace Centino, Division Head sang Child and Youth Welfare Program, iya ginpahayag nga ang team applicable sa pila ka mga buluthuan sa syudad.
Suno kay Tolentino, nagpatuman sila sang conference agud nga matumod ang mga tikang nga nagakadapat ubrahon agud indi na masulit ang amo nga insidente.
Nagkoordinar man ang talatapan sa mga barangay officials, sa Schools Division of Iloilo City, Iloilo City Police Office, kag sa Women and Children Protection Desk.
Nahibaluan nga nakaagum sang stab wound sa butkon ang 15-anyos nga halin sa grupo sang mga freshmen, pilason man ang 16-anyos nga halin naman sa grupo sang mga Senior High School students.
Ginkustodiya naman sang ICPS 4 ang 5 ka mga estudyante, samtang gindala agud mabulong sa ospital ang 16-anyos nga solterito.
Narecover sang kapulisan ang apat tanan ka patalom sa mga estudyante.
