ILOILO – All set na ang mga candidates sang Mr. and Ms. Bureau of Fire Protection (BFP) Region 6.
Sa Iloilo, ang mga tiglawas amo sanday Fire Officer 1 Joezal Balico sang Office of the Provicial Fire Marshall kag Fire Officer 1 Mariel Jinon sang Leganes Fire Station.
Ang nasambit nga pageant ang kabahin sang selebrasyon sang Fire Prevention Month subong nga Marso.
Sa interview sang Bombo Radyo kay Balico nga tumandok sang Barotac Viejo, iya ginpahayag nga tuig 2021 sang nagsulod siya sa BFP.
Apang antes nagsulod sa BFP, anom ini ka tuig nga nagtrabaho bilang seafarer sa diin nagtapos ini sang kurso nga BS Marine Engineering sa John B.Lacson Foundation Maritime University.
Sa subong, apat ka tuig na serbisyo si Balico.
Samtang nagtapos naman si Jinon sa kurso nga Bachelor of Science in Criminology sa PHINMA University of Iloilo.
Sa interview sang Bombo Radyo kay Jinon, sang Leganes Iloilo, iya ginpahayag nga ang nagtulod sa iya nga magsulod sa BFP amo ang nakita sini nga pagserbisyo sang mga bombero sa ila komunidad sa tion nga may sunog.
Sa subong, lima ka tuig na ini sa serbisyo.
Suno kay Jinon, kaangay ni Balico, first time nila nga magpasakop sa pageant kag positibo nga makuha ang titulo.
Patigayunon ang pageant sa Abril 2 sa Robinson’s Pavia.
