Ginabanta nga 37 ka mga pasahero ang patay sa bungguanay sang duha ka depampasahero nga bus sa highway sa Bolivia.
Lakip sa mga napatay ang 5 ka Peruvian nationals, isa ka 3-anyos nga German national nga bata, kag 7 ka menor de edad.
May 41 naman ka iban pa ang pilason.
Ginpahayag nga hubog ang driver sang isa ka bus nga posible nangin rason sang aksidente.
Indi pa maathag nalakip sa mga napatay ang mga driver sang duha ka bus.
Sa subong, padayon pa ang imbestigasyon sang otoridad.
Ini naman ang ginakabig nga pinakamalala nga aksidente sa Bolivia subong nga tuig.
