Nagakahangawa ang Iloilo Provincial Drug Enforcement Unit (PDEU) sa pagtaas sang numero sang mga menor-de-edad nga involved sa iligal nga druga.
Sa interview sang Bombo Radyo Police Major Dadje Delima, chief sang Iloilo Provincial Drug Enforcement Unit, iya ginpahayag nga may mga reports sila nga nabaton nga may mga naga-bodega sang iligal nga druga sa pamatan-on sa probinsya.
Suno kay Delima, nagpatuman na sila sang validation sa amo nga reports.
Gina-monitor man sang talatapan ang mga menor-de-edad nga naga-engage sa iligal nga druga.
Gintuad man sini nga ginahimo sang mga menor-de-edad nga palangabuhian ang pagduso sang amo nga buluhaton.
Ginpahayag man sang natungdan nga bisan pa 15-anyos tubtob 17-anyos ang mga lamharon, mahimo sa gihapon sila pagapangatubang sang nagakaigo nga penalidad.
