Desidido si Senate Committee on Public Order and Dangerous Drugs Chairman Senator Ronald “Bato” dela Rosa nga i-re-file ang hagna nga ipatuman ang death penalty para sa high-level drug traffickers sa tunga sang liwat nga paglutaw sang makangilidlis nga mga krimen sa pungsod.
Gin-ako ni Dela Rosa nga mabudlayan ang pagpasar sang iya hagna bangud kontrobersyal ini, apang kumbinsido ini nga sa tion nga mapasar ini mangin solusyon ini sa mga problema nga ginapangatubang sang pungsod.
Ginmensyonar man sang senador ang damlag lang ang pagpangidnap sa isa ka 14-anyos nga Chinese student sa Taguig City kun sa diin gin-utdan ini sang tudlo sang suspek.
Gintumod man sang senador ang kaso sa Cebu sa diin isa ka lalaki, sa impluwensya sang iligal nga droga, ginpatay ang iya asawa kag duha ka kabataan; kag ang mga kaso sang isa ka tatlo ka tuig kag isa ka 80-anyos nga lunsay ginhimuslan kag ginpatay.
Ginpanindugan ni Dela Rosa nga indi mapierde ang kampanya kontra iligal nga droga paagi sa disente nga approach.
Suno sa iya, kinahanglan gid ang iron fist agud madula ang amo nga krimen.
