Nagapati si Kabataan Partylist Representative Raoul Manuel nga tuman na ka delay ang proseso sang senado sa impeachment trial ni Vice President Sara Duterte.
Sa interview sang Bombo Radyo kay Rep. Manuel, iya ginpahayag nga possible gid nga masugoran gilayon ang proseso kon gusto sang mga senador.
Suno kay Manuel, delayed na ang timeline samtang ang iban nga mga senador ang naga-travel pa sa abroad.
Sa amo nga punto, ginkadismaya ini sang natungdan.
Nagpahanumdom man ini sa mga senador nga responsibilidad nila nga ubrahon ang ila katungdanan santo sa Konstitusyon.
Madumduman nga gintalana ni Senate President Francis Escudero ang trial proper sa impeachment ni Duterte sa Hulyo 30, base sa iya ginaduso nga kalendaryo.
Hayag man nga gina-abi-abi ni Escudero ang proposal ni Senate Minority Leader Aquilino “Koko” Pimentel III nga magbulig sa pag-draft sang ginaduso nga pagsulundan sa impeachment proceedings batok kay VP Sara Duterte.
