Nag-update ang Vatican nga nakabalik sa pagtrabaho si Pope Francis bisan nga yara ini sa ospital sa Roma.
Suno sa Holy See Press Office, may pila sa work activities nga gin-atender sang Santo Papa kag nagtinir man ini sa iya nga armchair sa halos bilog nga adlaw.
Positibo ini nga update sa health bulletin bangud Pebrero 27 pa sang katapusan nga gin-specify sang Vatican nga nakatrabaho ang Pope bisan nga ginapakigbatuan sini nga double pneumonia.
Sa update alas tres kaina sang kaagahon oras sa Pilipinas, ginsiling man nga yara sa stable condition ang 88-anyos nga Pope kag wala sang na-eksperyensyahan nga bag-o nga breathing crisis.
Ginkakas ang iya nga non-invasive mechanical ventilation sang adlaw, apang suno sa Vatican, ginbalik man ini sa bilog nga gab-i para nga makaginhawa ini sang maayo.
Sa labing-una man nga tion halin sang Pebrero 24, ginsiling man sang Vatican nga nagtawag ang Pope sa Catholic parish sa Gaza nga amo ang iya kinaandan nga ginahimo sa kasagsagan sang Israel-Hamas war kag antes siya gindala sa ospital sang Pebrero 14.
Apang ginklaro sang Holy See nga guarded man sa gihapon ang iya prognosis, buot silingon sini, indi man siya gihapon hilway sa katalagman sa iya nga ikaayong lawas.
Yari ang statement:
“The Holy Father remained stable today as well, without any episodes of respiratory insufficiency.
As planned, he utilized supplemental, high-flow oxygenation, and non-invasive mechanical ventilation will be resumed tonight. The Holy Father increased his respiratory and active motor physiotherapy. He spent the day in his armchair.
Given the complexity of the clinical situation, the prognosis remains guarded.
This morning, in the private apartment located on the 10th floor, the Holy Father participated in the rite of the blessing of the Sacred Ashes, which were imposed on him by the celebrant. He then received the Eucharist. Afterwards, he engaged in several work activities. During the morning, he also called Father Gabriel Romanelli, the parish priest of the Holy Family Church in Gaza. In the afternoon, he alternated between rest and work.”
Sang Lunes sang gin-report sang Vatican nga nagsuprer liwat ang Santo Papa sang duha ka episodes sang “acute respiratory insufficiency” apang wala na ini nasulit pa subong nga semana.
Lakip sa dalagku nga aktibidad nga wala napangunahan ni Pope bangud sa iya pagka-ospital amo ang Church Service sa Ash Wednesday.
