Gindangop sa kapulisan ang report nga lima ka adlaw na nga wala nakapauli sa ila balay ang isa ka barangay kagawad sa Sitio Capinayan, Poblacion, Lemery, Iloilo.
Ini amo si John Mark Azuela nga ulihi nga nagbiya sa ila puluy-an sang Marso 1, Sabado, alas nueve sang aga.
Sa interview sang Bombo Radyo kay Police Captain John Robles, hepe sang Lemery Municipal Police Station, iya ginpahayag nga naka-istorya sa estasyon ang utod sang barangay kagawad kun sa diin ginpakigbahin sini nga naglisensya ang kagawad nga may kadtuan lang nga abyan.
Ginpahayag nga masami gid man ini nga nagalagaw sa iya mga abyan sa iban nga mga banwa, apang nagapauli man sa ila nga balay.
Nagpadala naman ang police station sang imbestigador agud nga mabuligan ang pamilya.
Nagapangabay ang mga himata sa may impormasyon sa nahamtangan sang kagawad nga magpakig-angot sa numero nga 0912-765-2004 ukon mag-report sa pinakamalapit nga police station.
