Mangin host sang Western Visayas Regional Athletic Association (WVRAA) Meet 2026 ang Passi City.
Ini ang gin-anunsyo ni Antique Provincial Administrator Atty. Neri Duremdes kadungan sang pagtakop sang WVRAA 2026 sa Binirayan Gym, San Jose de Buenavista, Antique.
Nahibaluan nga personal man nga nagtambong sa kahiwatan si Passi City Mayor Atty. Stephen Palmares.
Sa mensahe naman ni Dr. Ramir Uytico, Regional Director sang Department of Education (DepEd) Region 6 kadungan sang closing ceremony, ginpasalamatan sini ang mga atleta, coaches, local government units kag mga Schools Division sa ila nangin papel sa madinalag-on nga WVRAA 2025.
Liwat nga ginpamatud-an sang Iloilo ang ila ikasarang sa hinampang matapos ginkilala bilang Champion sa Secondary Division kag Paragames.
Samtang, nagpangibabaw naman ang Negros Occidental sa Elementary Division.
