Duha ka mga pamilya ang naapektohan sa nagluntad nga sunog sa Brgy. Calaparan, Arevalo, Iloilo City.
Ang magpamilya amo ang Caro Family, Francisco, Family, kag Pinto Family.
Sa interview sang Bombo Radyo kay Kagawad Rodrigo Montaño sang Brgy. Calaparan, Arevalo, iya ginpahayag nga sa subong, wala pa sang tul-id nga ihibalo kon sa diin nga balay nagsugod ang kalayo.
Suno kay Montaño, padayon pa nga ginaimbestigaran sang Iloilo City Bureau of Fire Protection (BFP) ang nagluntad nga sunog.
Ginpahayag man sini nga indi manegar nga tuman ka populated ang ila lugar rason nga medyo nabudlayan sila nga magresponde.
Nahibaluan nga kahapon nga adlaw, duha ka mga sunog ang nagluntad sa Iloilo City kon sa diin, patay gid ang mag-asawa nga manunudlo lakip ang ila anak sa Infante, Molo, samtang ginsundan ini sa Calaparan, Arevalo.
