Sa baylo nga mangin malipayon, tuman ang pagkanugon sang tag-iya sang bag-o nga minivan nga nadaugan sa raffle matapos nga nahulog ini sa dagat halin sa barko kun sa diin ini ginsakay sa Baybay City Port, Leyte.
Naghalin ang minivan sa Cebu kag ginsakay sa roll on-roll off (ro-ro) vessel agud dal-on pauli sa Leyte sang natabo ang insidente samtang nagadungka sa pantalan sang Baybay City ang barko.
Suno sa mga nakakita, ginapaatras ang salakyan apang nangin madasig ang pag-andar sini tubtob nga nahulog ini sa dagat.
Nakagwa naman sa minivan ang driver kag nakaluwas.
Gilayon naman nga nakuha ang minivan gamit ang backhoe apang madamo ini sang naangkon nga damage.
