Patay ang duha ka katapo sang Communist Terrorist Group (CTG) sa engkwentro sa tunga sang Army’s 79th Infantry (Masaligan) Battalion kag sang Northern Negros Front- Komiteng Rehiyon sa Barangay Caduhaan, Cadiz, Negros Occidental.
Ang mga napatay amo sanday Hans Ponteras, alyas Jojo, Teddy, ukon Lance, ang Finance Officer kag Sekretaryo sang Komiteng Rehiyon, subong man si Alyas Kim.
Naglawig ang inaway sang ginabanta walo ka minutos kag napilitan ang mga CTG nga mag-atras sa gikan sa lugar sang engkwentro.
Kasunod sang hitabo, narekober sang tropa sang 79IB ang bangkay sang duha ka CTG remnants upod ang pila ka mga items nga nabilin.
Kalakip sa mga narekober amo ang isa ka M16 rifle nga may defaced serial number, isa ka .45 caliber pistol, isa ka hand grenade, isa ka 40mm rifle grenade, lima ka 40mm high explosives (HE) grenades, isa ka short M16 magazine, duha ka .45 caliber pistol magazines, isa ka laptop, isa ka backpack nga may unod nga personal belongings, isa ka sling bag, isa ka subversive nga mga dokumento.
Wala naman sang may nareport nga casualty sa bahin sang katapo sang gobyerno.
