ILOILO – May person of interest na ang mga otoridad sa natabo nga pagluthang-patay sa operator sang sound system sa Barangay Agba-o, Bingawan, Iloilo.
Ang biktima amo si alyas Oming, 34, residente sang Barangay Simsiman, Lambunao, Iloilo.
Sa interview sang Bombo Radyo kay Police Lieutenant Philip Girao, hepe sang Bingawan Municipal Police Station, iya ginpahayag nga nagtukod na sila sang Special Investigation Team agud magtutok sa kaso.
Suno kay Girao, may yara na sila sang motibo sa krimen.
Ginpaidalom naman ang wala ginpangalanan nga person of interest sa paraffin test agud matumod kun nagpalupok ini sang armas.
Natalana naman nga ipaidalom sa autopsy examination ang bangkay sang biktima.
Matandaan nga sang Marso 9, nasapwan na lang ang biktima sa sulod sang elf truck nga may pilas sa ulo nga tuga sang pagkatiro.
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗣𝗵𝗮𝘂𝗹𝗶𝗻𝗲 𝗣𝗶𝗹𝗹𝗼𝗿𝗮
