Ginakabig sang pila ka pamilya sang nabiktima sang extra judicial killings sa tion sang war on drugs ni Former President Rodrigo Duterte nga isa ka hustisya ang pagka-aresto sa anay presidente.
Sa interview sang Bombo Radyo kay Crimson Labinghisa, anak sang nabiktima sang war on drugs, iya ginpahayag nga isa ka palaagyan ang arrest warrant sang International Criminal Court agud nga mahatagan sang sabat ang madugay na nila nga ginasinggitan nga hustisya.
Suno kay Labinghisa, bangud sa lihok sang ICC, amat-amat na nga mauntat ang ‘impunity’ sa Pilipinas.
Ginpahayag man sini nga nangin rampant sa pungsod ang pagpamatay kag paglapas sa international humanitarian law.
Gina-abi-abi man sang natungdan ang pagpanikasog sang ICC nga naghatag sang development sa kaso sang EJKs.
