Ginpirmahan ni Iloilo Governor Arthur Defensor, Jr ang Executive Order No. 20, Series of 2025 subong nga adlaw, nga nagamando sang heat safety measures sa bug-os nga probinsya bangud sa ginalauman nga magataas ang temperatura humalin Marso tubtob Mayo.
Sa interview sang Bombo Radyo kay Governor Defensor, iya ginpahayag nga ang mandu nagapatuman sang Minimum Public Health Standards for Hazardous Heat Index (MPHS-HHI) kag nagatukod sang Hazardous Heat Index evacuation centers sa mga munisipalidad kag barangay.
Suno kay Defensor, ang mandu ang may financial aid nga P100,000 para sa mga syudad/banwa kag P25,000 para sa mga barangay.
Ang mga pampubliko nga aktibidad, mga outdoor activities sa guwa, kag mga schedule sa trabaho paga-regulate base sa lebel sang heat index:
• Extreme Danger (≥52°C): Pagkanselar sang mga outdoor kag physically intensive activities.
• Danger (42-51°C): Restrictions para sa vulnerable individuals, rescheduling sang activities, kag dugang nga hydration breaks.
• Extreme Caution (33-41°C): Ginapalig-on ang rescheduling sang mga hilikuton kag hydration breaks
• Caution (27-32°C): Wala sang limitasyon sa mga hilikuton apang may pagbantay sa ikaayong lawas.
Ginahingyo man sang gobyerno probinsiyal sa mga pumuluyo nga sundon ang mga safety protocols, magpabilin nga hydrated, kag limitahan ang outdoor exposure sa tion sang tuman nga kainit.
