Nagapabilin nga yara sa normal alert level ang 3rd Infantry Division (3ID) Philippine Army kaangot sa nagapadayon nga political tension sa pungsod.
Ini angut man sa pagakaaresto kay former President Rodrigo Duterte sang Marso 11, 2025 bangud sa kaso nga crime against humanity sa International Criminal Court.
Sa interview sang Bombo Radyo kay Colonel Erwin Rommel Lamzon, assistant division commander sang 3rd Infantry Division Philippine Army, iya ginpahayag nga kon magapangayo sila sang augmentation magapatuman man sila sang law enforcement.
Suno kay Lamzon, strikto nila nga tumanon ang change of command nga nakasanto man sa mandatu sang gobyerno.
Handa naman nga maghatag sang dugang nga pwersa ang Philippine Army sa Philippine National Police (PNP) pananglitan nga kinahanglan.
Padayon naman ang military operations sang Army batok sa mga remnants sang New People’s Army.
