Nagpasugot si Russian President Vladimir Putin sa gina-proponer sang Estados Unidos sang Amerika nga isa ka bulan nga ceasefire sa gyera sa Ukraine.
Suno kay Putin, suportado niya ang ideya sang Estados Unidos, apang may mga bagay pa nga kinahanglan klaruhon paagi sa pagpungko kaupod ang American officials kag pag-istorya kaupod kay US President Donald Trump.
“The idea is right – and we support it – but there are questions that we need to discuss,” pahayag sini. “We need to negotiate with our American colleagues and partners,” pahayag ni Trump. “Maybe I’ll have a call with Donald Trump.”
Kasunod ini sang pahayag man ni Trump nga may maayo nga mga signal halin sa Moscow. Ginsiling man sini nga handa siya makig-istorya kay Putin bangud tion na ini nga tapuson ang gyera.
Lakip sa gusto hambalan ni Putin amo mga posible nga paglapas sa ceasefire. Gusto sini siguruhon nga indi paghingalitan sang Ukraine ang 30 ka adlaw agud nga mag-tipon sang ila armadong kusog kag magpadayon sa mobilization.
Matandaan nga masobra tatlo ka tuig na ang nagligad halin sang ginmandu sang Russian leader ang full-scale invasion sa Kyiv.
Nag-abot naman didto sa Moscow ang special envoy ni Trump nga si Steve Witkoff para maistoryahan sang dugang ang ceasefire nga una naman nga ginbaton sang Ukraine.#
