Nagsugod na ang pag-fitting sang robe nga isuksok sa palaabuton nga impeachment trial batok kay Vice President Sara Duterte.
Suno kay Senator Alan Peter Cayetano, ginhatagan na siya sang mandu nga takson ang robe nga isuksok para sa trial.
Suno naman kay Senate Secretary Renato Bantug, duha ka semana na ang nakaligad, naghatag sang go signal si Senate President Francis “Chiz” Escudero nga magbuligay ang mga senador sa pagtakus sang mga robes nga isuksok sa impeachment trial.
Maroon gihapon ang kolor nga ginagamit sa panapton sang mga senador-judges nga magasumpa.
Suno sa iya, ang kolor sang bayo nga gingamit sa pagbista kay anay Supreme Court Chief Justice Renato Corona ang pareho man sa impeachment trial ni VP Sara.
Target sang impeachment court nga sa Hulyo 30 sugdan ang trial batok kay VP Sara Duterte.
