Nagapati si Iloilo City Councilor Sedfrey Cabaluna nga wala sang posibilidad nga ma-connect sa pagdamo sang iligal nga druga ang pagkaaresto ni former President Rodrigo Duterte sa kaso nga crime against humanity nga gindagdag sang International Criminal Court (ICC).
Sa interview sang Bombo Radyo kay Cabaluna, iya ginpahayag nga very visible ang trabaho sang kapulisan sa pagkampanya batok sa iligal nga druga.
Suno kay Cabaluna, ginaubra sang local government unit (LGU) ang pagpasangkad sang collaboration sa kapulisan agud nga mapapas ang illegal drugs.
Dugang sini nga dapat mas pabaskugon ang rehabilitation sang gobyerno sa mga nadakpan nga durugista agud nga indi na sila makabalik sa malain nga bisyo.
Nahibaluan nga sang damlag lang minilyon ka iligal nga druga ang nakumpiskar sang Iloilo City Police Office (ICPO), Police Regional Office 6 (PRO-6), kag Provincial Drug Enforcement Unit (PDEU) kasunod sang ila ginapatigayon nga buy-bust operation.
