Gintumod sang isa ka public health expert nga isa ka ‘common’ na nga balatian sang mga Filipino ang kidney stone bangud man sa nakaandan nga diet sang mga Pinoy.
Sa interview sang Bombo Radyo kay Dr. Hazel Oro, head sang Renal Care Center sang Western Visayas Medical Center, iya ginpahayag nga isa sa mga factors sang pag-angkon sang kidney stone amo bangud ang masami nga pagkaon sang mga mapait ukon ma-asin nga pagkaon.
Suno kay Oro, mahimo man makaangkon sang nasambit nga sakit kon mataas ang uric acid ukon mas madamo ang calcium sa ihi.
Ginpahayag man sini nga ang junk foods ang may dako nga impluwensya sa ikaayong-lawas ilabi na sa kidney.
Lakip na diri ang soft drinks nga may dala nga dako nga risgo sa tagsa ka tawo nga makahimo sang bato sa kidney.
Gin-ako man sang natungdan nga isa ang kidney stone sa masami makit-an sa ila talatapan bilang outpatient kag ginasundan sang UTI ukon Urinary tract infection.
