ILOILO CITY – Positibo ang tiglawas sang Iloilo City nga madala pauli ang korona sa Miss Trans Global Philippines 2025.
Ini amo si Denver Tajanlangit sang Barangay Burgos Mabini, La Paz, Iloilo City kag anay reporter sang Bombo Radyo Iloilo.
Si Tajanlangit ang nagdaog bilang SOGIE (Sexual Orientation, Gender Identity, and Expression) Ambassador 2024.
Sa interview sang Bombo Radyo kay Tajanlangit, iya ginpahayag nga bilang LGBTQ Ambassador, padayon niya nga iduso ang patas, inclusive kag empowerment sa syudad.
Suno kay Tajanlangit, nagalaom ini nga magdaog sa national pageant agud mas mapabaskog ang programa sa LGBTQ+ community.
Ang advocacy naman sini amo ang paghatag sa LGBTQ+ community sang patas nga kinamatarong kag oportunidad.
Patigayunon ang pageant sa Hulyo 2025 sa Baguio City.
