Naglab-ot na sa tatlo ka mga kaso sang measles ukon tipdas ang nabalhag sang Iloilo Provincial Health Office sa Iloilo.
Sa interview sang Bombo Radyo kay Dr. Maria Socorro Quiñon, head sang Iloilo Provincial Health Office, iya ginpahayag nga na-record ang tatlo ka mga kaso sa banwa sang Ajuy, Cabatuan, kag Pototan.
Suno kay Quiñon, nakitaan sang sintomas sang diarrhea, sore throat, kag rashes ang 31-anyos nga pasyente nga naggikan sa Ajuy.
Samtang ang duha naman ka na-close contact sini ang wala nakitaan sang mga nasambit nga sintomas.
Gin-athag man sini nga ang 16-anyos naman nga residente sang Pototan ang ginalantaw nga mahimo nalatonan.
Onse ka bulan nga lapsag naman nga naghalin sa Cabatuan ang ika-tatlo nga naigo-an sang amo nga balatian.
Sa piyak sini, ginkumpirmar sang talatapan nga ang tatlo ang lunsay naman nga nag-ayo kag nakaguwa na sa ospital.
