Natigayon nga mag-atubangay ang bahin sang San Enrique Municipal Social Welfare and Development Office (MSWDO) kag si San Enrique Mayor Rosario Mediatrix P. Fernandez agud istoryahan ang ginaalegar pag-hostage sang 31 anyos nga amay sa iya duha ka anak sa Barangay Compo, San Enrique, Iloilo.
Ang mga kabataan ang naga-edad sang walo kag 10 ka tuig kag lunsay lalaki.
Sa interview sang Bombo Radyo kay Mayor Fernandez, iya ginpahayag nga bisan siya ang nakibot sang nakatabon sang tawag nga may gina-hostage nga kabataan sa nasambit nga barangay.
Suno kay Fernandez, sang nag-abot siya sa lugar, yara na ang presensya sang mga kapulisan kag Special Weapons and Tactics (SWAT) nga nagatuyo kontani nga sudlon ang balay.
Ginpahayag man sini nga natukiban nga may daan na nga record sa MSWDO ang amay nga nang-hostage sa iya kabataan.
Gin-athag man sang alkalde nga isa na ka semana ang video nga nagalapta kag ginauyatan na sang nasambit nga talatapan ang amo nga kaso.
Nagpanindugan man ini nga wala sang hostage taking nga natabo bangud antes nagdako ang insidente, may intervention na nga ginahimo ang MSWDO.
Gintuad man ni Fernandez nga sa iya assessment, malapit ang kabataan sa ila amay kag ginaresolbar na sang banwa ang amo nga insidente.
