Gin-athag sang San Enrique Municipal Social Welfare and Development Office (MSWDO) nga antes pa man naglupok ang insidente sang ginapahayag nga pag-hostage sang 31 anyos nga amay sa iya duha ka anak sa Barangay Compo, San Enrique, Iloilo, nakapakig-angot na sila sa amay.
Sa interview sang Bombo Radyo kay Regiona Dativo, Head sang San Enrique Municipal Social Welfare and Development Office, iya ginpahayag nga nagapaidalom na sa counseling ang amay sang mga kabataan agud mahatagan sang nagakaigo nga intervention.
Suno kay Dativo, sa ila man nga pagpadulong sa puluy-an sang mag-amay, ang subang lang kag ang amay sini ang magkaupod samtang ang manghod nga anak ang yara sa tiya.
Sa inisyal nga pag-examine sang talatapan sa kahimtangan sang mag-amay, natumod nga wala sang physical ukon emotional trauma ang kabataan.
Gilayon man nga nag-abiso ang MSWDO sa amay nga ipaidalom sila sa counselling.
Nagkoordinar na man ang talatapan sa San Enrique Police Station agud istoryahan ang amo nga insidente kag mahatagan sang solusyon.
Sa amo nga tion, nagpanugyan man si Dativo sa otoridad nga indi pagpwersahon nga kuhaon ang amay bangud man nga may tikang na sila nga ginapatuman.
