Nagpanugyan ang isa ka optical professional nga indi pagpabay-an ang mga sintomas sang katarata sa mata agud indi madulaan sang panan-awan.
Sa interview sang Bombo Radyo Dr. Nikki Ahley Papas, Chief Resident sang Department of Ophthalmology sa Western Visayas Medical Center (WVMC), iya ginpahayag nga ang katarata ang isa ka common nga concerns nga gina-eksperyensyahan sang kadam-an kon mata ang istoryahan.
Suno kay Papas, isa ang edad sa factor sang katarata bangud kon nagataas ang edad, nagadugang man ang ‘cloudy’ sa mata nga nagatuga sang blurred nga eyesight.
Isa naman sa mga sintomas nga mabatyagan amo ang amat-amat nga pagburon sang mata.
Gin-athag man sini nga indi konektado ang katarata sa masami pagsakit sang mata.
Mahimo nga mag-angkon sang amo nga balatian ang isa ka tawo kon may family history nga may katarata.
