Isa ka daog na lang ang kinahanglan ni Coach Tim Cone kag Barangay Ginebra antes mahakwat ang tropeyo sa Philippine Basketball Association (PBA) Season 49 Commissioner’s Cup.
Nakuha sang Gin Kings ang 3-2 lead sa best-of-seven series matapos naghingagaw-lagas sa ikatatlo kag ikaapat nga quarters sang Game 5 batok sa TNT Tropang Giga tubtub nagtakop ini sa skor nga 73-66.
Nag-obra ang mahika nanday Scottie Thompson kag Justin Brownlee sa game agud masalbar ang team lakip na ang ila pagbuslanay sa 8-0 closing run sa paghingapos sang sambuwa sa Smart Araneta Coliseum.
18 points, 14 rebounds, kag 5 assists ang nahimo ni Brownlee, samtang nagpa-ulan naman si Thompson sang 16 points, 10 rebounds, 5 assists, kag 2 steals.
Nanguna naman sa TNT ang import nga si Rondae Hollis-Jefferson nga may 19 points kag 12 rebounds. Talalupangdon nga wala na ini naka-skor sa final 11 minutes sang game.
Balantayan ang Game 6 sa Miyerkules, Marso 26, sa amo sa gihapon nga venue.#
Scores:
Barangay Ginebra 73 – Brownlee 18, Thompson 16, J.Aguilar 11, Ahanmisi 11, Rosario 6, Malonzo 6, Holt 3, Abarrientos 2, Tenorio 0.
TNT 66 – Hollis-Jefferson 19, Nambatac 19, Oftana 8, Pogoy 8, Aurin 8, Erram 4, Heruela 0, Williams 0, Exciminiano 0, Khobuntin 0.
Quarters: 17-24, 35-45, 57-56, 73-66.
