Arestado ang pito ka mga lalaki sa Japan bangud sa pagpang-abuso sekswal sa mga menor de edad kalakip na ang ila kaugalingon nga kabataan nga babaye.
Suno kay Bombo Josel Palma, international correspondent sa Japan, base sa imbestigasyon sang otoridad, ginpalapta pa sang mga suspek ang ila ginkuha nga video samtang ginahimo ang pagpanghimulos.
Ang mga suspek nagaedad sang 30 tubtob 50.
Pareho naman nga nag-ako ang mga suspek sa nahimo nga krimen.
Sa idalom sang Japanese law, ang sin-o man nga naga-engage sa sexual intercourse sa mga babaye nga nagaedad 13-anyos panubo ang mangatubang sang lima ka tuig nga pagkapreso.
Ang naga- produce, naga- supply kag naga- possess sang child pornography ang may silot man nga tubtob sa tatlo ka tuig nga pagkapreso ukon multa nga 3 million yen (US$20,000).
May ginhatag na nga intervention sa mga biktima kag amo man sa ila pamilya.
