Nakakita na ang Pavia Municipal Police Station sang eye witness nga mahimo makabulig sa kaso sang pagtiro-patay sa isa ka Barangay Tanod sa Brgy. Amparo, Pavia, Iloilo.
Ang biktima amo si Carmelino Minor, 51-anyos, kasado; samtang ang suspek amo si Regie Gaborno, 41-anyos, driver kag lunsay residente sang nasambit nga barangay.
Sa interview sang Bombo Radyo kay Police Major Harold Rendora, Chief of Police sang Pavia Municipal Police Station, iya ginpahayag nga nakahatag na sang inisyal nga mga impormasyon ang witness nga nagakumpirma nga ang suspek amo si Gaborno.
Indi pa man mabuyagyag sang natungdan ang numero sang mahimo magserbe nga witness agud nga maprotektahan man ang ila nga identity.
Gintuad man sini nga sang nagpatuman sang operasyon ang talatapan sa suspek, nakahimos na ini sang gamit agud kontani nga magbiya sa ila puluy-an.
Suno kay Rendora, nakuha sa paghinakop sang suspek ang caliber 45 nga pistol nga may naka-load nga bala nga ginapanag-iyahan sang biktima.
Ginpahayag man sang hepe nga na-recover man sa bag sang biktima ang pusil.
Apang wala narecover sang kapulisan ang bag sang sini nga may unod nga kwarta kag IDs.
Santo sa panaysayon sang pamilya sang biktima, nga nagadala gidman sang armas ang biktima kon ini ang naga-duty bilang tanod.
Ginkumpirma man sang talatapan nga validated nga may utang gidman ang biktima sa suspek.
