Indi na man makapati ang pamilya sang suspek nga nagtiro-patay sa Barangay Tanod sa Brgy. Amparo, Pavia, Iloilo.
Ang suspek amo si Regie Gaborno, 41-anyos, driver; samtamg ang biktima amo si Carmelino Minor, 51-anyos, kasado kag lunsay residente sang nasambit nga barangay.
Sa interview sang Bombo Radyo kay Johnnie Gaborno, amay sang supek, iya ginlaragway nga daw kaangay nga indi maghambal ang iya anak kon indi man pag-istoryahon.
Suno kay Gaborno, wala man sang records sa barangay ang iya anak kag nakaagi man serbe bilang tanod.
Gintuad man sini nga antes ang insidente, gin-agda pa siya sang biktima nga si Minor nga mangape kasunod sang pagpadulong sini sa ila balay.
Nahibaluan nga magkasilingan lang man ang suspek kag ang biktima kag anay man nangin magkaupod sa pagserbisyo bilang barangay tanod.
