Gin-ako sang Iloilo City Alliance of Operators and Drivers Transport Cooperative (ICAODTC) nga nagalain ang ila buot sa gobyerno bangud daw kaangay nga ginapasulabi pa ang pila ka mga transport groups nga naga-rally kag nagahiwat sang transport strike bangud indi kumporme sa Public Transport Modernization Program.
Subong nga adlaw nag-umpisa ang transport strike nga ginpatigayon sang Manibela agud ipanawagan ang Land Transportation Franchising and Regulatory Board officials nga mag-resign bangud sa ila pagpati nga pagbinutig sa pagpaguwa sang 86% sang public utility vehicle operators kag drivers nga naka-consolidate na para sa modernization program.
Subong nga adlaw nag-umpisa ang transport strike nga ginpatigayon sang Manibela agud ipanawagan ang Land Transportation Franchising and Regulatory Board officials nga mag-resign bangud sa ila pagpati nga pagbinutig sa pagpaguwa sang 86% sang public utility vehicle operators kag drivers nga naka-consolidate na para sa modernization program.
Nag-ugat ang pagpati sang Manibela nga nagabinutig ang pila ka mga ospiyal sang anay liderato sang Transportation department bangud nagpahayag si DOTr Secretary Vince Dizon nga yara pa lang sa 43% ang na-consolidate.
Gin-athag man ni Atty. Ariel Inton, ang spokesperson sang LTFRB nga ang ginatumod nga 86% amo ang nag-file sang consolidation — buot silingon indi pa aprubado tanan.
Samtang ang 43% naman nga ginatumod ni Sec. Dizon amo ang mga traditional jeepneys nga na-consolidate na.
Suno kay Mr. Lope Apelo, Chair sang Iloilo City Alliance of Operators and Drivers Transport Cooperative (ICAODTC), nagpanikasog man ang mayorya sa mga transport groups sa pungsod agud makasulod sa modernisasyon nga programa sang gobyerno.
Nagakahangawa sila bangud posible nga ma-postpone naman ang implementasyon sang PTMP.
Ang Iloilo City Alliance of Operators and Drivers Transport Cooperative ang may 28 ka mga modernized jeep kag 81 ka mga empleyado.
Pahayag niya, madugangan pa kuntani sang 16 ka mga modernized jeep ang transport coop kun wala lang na-hold ang loan sa Land Bank of the Philippines.
Nagaapela si Apelo kay DOTr Sec. Vince Dizon nga suportahan man sila nga mga transport groups nga nag-upod sa programa sang gobyerno.
Sa data sang Western Visayas Alliance of Transport Cooperatives and Corporations, Inc., 97% na ang consolidation sang Iloilo City samtang 99% naman sa Iloilo Province.
