Nagpaandam ang Iloilo City Commission on Elections (COMELEC) sa mga barangay officials nga may mga limitasyon nga dapat sundon sa pagpakita sang suporta sa mga kandidato nga magapapili sa 2025 midterms elections.
Sa interview sang Bombo Radyo kay Mr. Jonathan Sayno, Election Assistant II sang Iloilo City COMELEC, iya ginpahayag nga ginadumilian ang mga barangay officials nga gamiton ang ila state resources, pondo sang barangay, kag bisan ang mga kagamitan nga ginapanag-iyan sang barangay.
Suno kay Sayno, bawal man ang paggamit sang mga salakyan sa campaign period nga ginapanag-iyahan sang barangay.
Sa piyak sini, mahimo na man nga makapapabutyag ang barangay officials sang ila naluyagan nga kandidato.
Ini ang santo man sa ruling sang Supreme Court.
Una na nga pahanumdom ang COMELEC sa mga kandidato nga mangbaklas sila sang mga illegally posted nga tarpaulins magsugod ang local campaign period sa Marso 28, 2025.
Nahibaluan nga santo sa pagsulundan sang talatapan, ang tagsa ka kandidato ang mahimo magbutang sang ila campaign posters sa designated area nga may sukol nga 2 feet by 3 feet nga kasangkaron.
Lakip na man sa rekisitos ang pagbutang sang ‘paid for by’ sa tagsa ka poster.
