Ginpaiway anay ang pagbisita nanday King Charles kag asawa nga si Queen Camilla kay Pope Francis sa Vatican.
Ini bangud gin-abisuhan ang santo papa nga magpahuway ini bangud bag-o lang ini nakagwa ini sa ospital matapos ang pila ka semana nga gin-admit ini.
Nahibaluan nga natalana kuntani nga magbyahe ang British royals padulong sa Vatican sa Abril 7 kag makigkita kay Pope Francis pagkasunod nga adlaw para sa makabig kuntani nga historic visit.
Pila ka adlaw matapos gin-anunsyo ang plano sang nagligad nga bulan, gin-admit ang 88-anyos nga santo papa bangud sa severe respiratory infection.
Suno sa royal source, naglaum sanday Charles kag Camilla nga mag-improve ang ikaayong lawas sang santo papa apang bangud sa advice sang iya doktor, indi madayon ang ila meeting.
Madayon naman ang state visit sang royal couple apang may pagbag-o lang sa ila mga aktibidad sa Italya.
