Nagsugtanay ang Ukraine kag Russia nga untatan ang paggamit sang military force sa Black Sea kasunod sang separado ng sugilanon kaupod ang United States sa Saudi Arabia.
Nahibaluan nga ang Black Sea ginakabig nga importante nga trade kag transportation artery para sa Russia.
Suno kay Ukrainian President Volodymyr Zelensky ,nagsugtanay ang magtimbang nga partido para sa free navigation kag kalinong sa kadagatan.
Una na nga naghilisugot ang Ukraine kag Russia nga mag-untat sa pag-atake sang energy infrastructure sang kada isa.
Gindugang ni Zelensky nga nag-provide ang Ukraine sa US sang listahan sang energy facilities nga luyag sini nga protektahan.
Apang ginkumpirma ni Zelensky nga ang “civilian infrastructure” ang indi kalakip sa agreement.
Matandaan nga ginpasangkad pa sang Russia ang atake sini sa Ukrainian cities sa tunga sang padayon nga peace talks, nga nagpatay sa dinosena nga mga Ukrainian civilians subong nga bulan.
