Nadulaan sang P5,000 nga benta ang isa ka gasolinahan sa Estancia, Iloilo matapos ini gin-hold up sang wala pa nakilal-an nga suspek.
Base sa Estancia Municipal Police Station, natabo ini sa Barangay Daculan sa amo nga banwa pasado alas siete sang gab-i.
Gin-alegar nga may naghapit nga isa ka lalaki, nagtaya sang armas sa babaye nga tag-iya sang mini gasoline station, gindeklarar ang hold-up, kag ginkuha sa kaha ang amo nga kantidad.
Sang nadala na sini ang cash, gilayon man ini nga nagpalagyo.
Padayon naman ang hot pursuit operation sang kapulisan batok sa amo nga suspek.
