Gintumod sang Iloilo City Commission on Elections (COMELEC) nga may mga nabaklas sila nga illegally posted nga tarpaulins sa syudad kadungan sang imbukada nga adlaw sang local campaign period sang 2025 midterm elections.
Sa interview sang Bombo Radyo kay Atty. Jonathan Sayno, Election Assistant II sang City COMELEC, iya ginpahayag nga lakip sa mga napangbaklas amo ang campaign materials nga wala nagasunod sa mga propaganda nga nakasaad sa pagsulundan sang talatapan.
Suno kay Sayno, kaupod ang regional office sang COMELEC, naglibot sila sa syudad kag nagsugod halin sa Bonifacio Drive padulong sa Gen. Luna St. La Paz, sa Buhang kag Tabuc Suba Jaro.
Sa ila paglibot, ginpahayag sini nga may mga tarpaulins man sang national candidate ang ila nga nakuha.
Gin-ako man sang natungdan nga may mga barangay pa sa syudad nga tubtob subong wala pa nakakadtuan agud sekyaron kon may mga illegally posted nga campaign materials.
Nagpanugyan man ini sa mga kandidato nga mahimo magbutang sang ila campaign posters sa designated area nga may sukol nga 2 feet by 3 feet nga kasangkaron.
Lakip na man sa rekisitos ang pagbutang sang ‘paid for by’ sa tagsa ka poster.
