Temporaryo nga gin-ban sang Pilipinas ang swine kag cattle imports lakip na ang ila nga karne halin sa South Korea kag Hungary bangud sa foot-and-mouth disease (FMD).
Suno sa Department of Agriculture (DA), ginpaguwa ni Agriculture Secretary Francisco Tiu Laurel Jr. ang separado nga memorandum orders para sa importation ban matapos gin-report ang FMD cases sa domestic buffaloes sa Hungary sang Marso 7, kag domestic cattle naman sa South Korea sang Marso 18.
Ini nga kaso sang duha ka pungsod ang pareho nga kumpirmado ang ila nga veterinary authorities kag gin-report sa World Organization for Animal Health (WOAH).
Ang FMD isa ka severe kag highly contagious disease nga nagaapekto sa livestock nga rason sang daku nga kapierdehan sa ekonomiya. Ang mga sapat naman nga delikado sa virus sini ang nagalakip sang baka, baboy, karne, kag iban nga cloven-hoofed ruminants.
Ginlista naman sang DA ang exemptions sa ban nga nagalakip sang ultra-high temperature milk kag derivatives, heat-treated meat products sa hermetically sealed containers, protein meal, gelatin, in vivo-derived bovine embryos, limed hides, pickled pelts, kag semi-processed leather.
