Gin-athag sang Ajuy Municipal Police Station nga daan na ang naglapta nga video kun sa diin makit-an nga nagagamit sang iligal nga druga ang isa ka manunudlo.
Sa interview sang Bombo Radyo kay Police Corporal John Floyd Valencia, imbestigador sang Ajuy Municipal Police Station, iya ginpahayag nga tuig 2023 pa ginkuha ang video sang amo nga maestro.
Suno kay Valencia, magapakig-istorya man sila sa principal sang eskwelahan kun sa diin nagatulod ang maestro.
Gintuad naman ni Valencia nga under monitoring subong ang manunudlo bangud sa pagtuhaw liwat sang video.
