Pilason ang pito ka mga tawo nga ginalakipan sang apat ka mga babaye nga pulis, duha ka bata kag driver matapos nahulog sa pil-as ang ginasakyan nila nga Sports Utility (SUV).
Natabo ini sa Sitio Talus, Brgy. Igmaya-an, Don Salvador Benedicto, Negros Occidental.
Assigned ang mga pulis sa Bacolod City Police Office.
Suno kay Police Major Ryan Villasario, hepe sang Don Salvador Benedicto Police, pakadto ang grupo sa nasambit nga lugar para mag-outing sang natabo ang disgrasya.
Ginpahayag nga nadulaan sang kontrol sa manibela ang driver tubtob nga nahulog sila sa pil-as nga may kadalumon nga 40 tubtob 50 metros.
Maswerte man nga na-rescue gilayon ang mga ini kag menor nga mga pilas lang ang naangkon sang mga biktima.
