Patay ang isa ka 53-anyos nga jogger samtang pilason naman ang duha niya ka kaupod matapos sila mabungguan sang pickup truck sa Bacolod City.
Natabo ang insidente sa gwa sang Manville Royale Subdivision sa Barangay Pahanocoy.
Suno kay Police Lt. Col. Ramel Sarona, head sang Traffic Enforcement Unit (TEU), nagahimo sang group picture (groufie) ang mga biktima sa tunga sang dalan ang nagliko ang pickup agud magsulod sa villag kag nadalasa ang mga biktima.
Suno sa 59-anyos nga driver nga residente sang Barangay Sum-ag, wala niya natalupangdan ang mga biktima bangud sa tuman nga kasilaw dala sang silak sang adlaw.
Nag-angkon sang head injuries sa ulo ang biktima nga ginbawian sang kabuhi sa ospital.
Padayon man nga nagapaayo sa ospital ang duha niya ka kaupdanan.
Ginpaidalom naman sa kustodiya sang pulis ang driver.
