Dakop ang 10 ka mga manugpangisda sakay sa duha ka mga sakayan pandagat bangud sa paggamit sang dinamita sa pagpangisda sa Sitio Balinguian, Mangalabang, Concepcion, Iloilo.
Mismo ang Iloilo Provincial Bantay Dagat Task Force ang nakadakop sa siyam ka mga manugpangisda nga residente sang Batuanan, Carles samtang isa ang pumuluyo sang Balat-an, Mambusao, Capiz.
Ang mga manugpangisda ang naglapas sa Section 92 sang Republic Act 8550 ukon ang The Philippine Fisheries Code of 1998 as amended by Republic Act 10645.
Samtang, ang ila sakayan kag mga gamit ang yara na sa kustodiya sang Task Force.
Ginabanta 20kgs sang nagkalain-lain nga isda ang nakuha sa ila nagabalor P3,600.
Ang mga isda ang ipasa sa Bureau of Fisheries and Aquatic Resources para sa scientific examination.
Nahibaluan nga ang dynamite fishing ang naga-involve sang paggamit sang explosives nga ginahaboy sa tubig dagat agud mapatay ang madamo nga isda.
Ini ang nagapanguna nga rason sang paghalit sang coral reefs kag pagguba sang coastal resources.
