ILOILO CITY – Matapos ang halos duha ka tuig, pasado na sa Iloilo City Council ang pag-angkon sang pormal nga sister city relationship sang Iloilo City kag Fort Lauderdale, Florida, USA.
Ang International League of Cities nga sa subong ginapamunuan sang pinuno halin sa Fort Lauderdale ang nakatutok sa pagpabaskog sang mga sisterhood relationships sa bug-os nga kalibutan.
Sa interview sang Bombo Radyo kay Councilor Candice Tupas, Chairman sang Committee on Domestic and International Relations sa konseho, iya ginpahayag nga nagbisita na sa Iloilo City ang mga opisyal halin sa Fort Lauderdale sang nagligad nga tuig.
Suno sa konsehal, mahinalungon si Mayor Dean Trantalis sang Fort Lauderdale sa pagpili sang ila sister city, gani isa ka dako nga kadungganan ang pag-apruba sang Letter of Intent halin kay Mayor Jerry Treñas, nga ginpasar naman sa Iloilo City Council.
Nahibaluan nga ang Iloilo City kag Fort Lauderdale ang parehos nga river districts, naga-host sang boat sailing events, kag nagatutok sa sustainability kag community development.
Sa subong, magapadala ang Iloilo City sang notice sa Florida nga aprubado na ang resolusyon para sa sister city relationship.
