Ginpa-Bombo sang mga local farmers sang Brgy. Botong kag Sambaludan, Oton, Iloilo ang ginpatukod nga kanal sang National Irrigation Administration (NIA) bangud ginapahayag nga tuman ka gamay.
Sa interview sang Bombo Radyo kay Andres Periolan, isa ka mangunguma, iya ginpahayag nga ang irrigation canal lamang ang ila nagapanguna nga ginakuhaan sang tubig para sa ila nga humay ilabi na subong nga tig-ilinit.
Suno kay Periolan, ginabanta nga yara lamang 40 centimeters by 50 centimeters ang kataason kag kalapadon sang amo nga irrigation canal.
Gintuad man sini nga bangud sa kadamuon man nila nga mangunguma, kon ka isa, daw indi na maabotan sang tubig sang irigasyon ang iban nila nga kaupod.
Nagalaum man ang natungdan nga malab-otan ang nasambit nga talatapan sang ila hingyo bangud tuman nga apektado ang ila mga pananum nga humay.
