Nagsuspendi sang in-person classes ang tatlo ka Division Offices sang Negros Occidental kadungan sang paglupok sang Mt. Kanlaon kahapon nga adlaw.
Sa interview sang Bombo Radyo kay Mr. Hernani Escullar Jr., spokesperson sang Department of Education Region 6, iya ginpahayag nga ang mga eskwelahan nga nagsupendi sang klase ang nagshift sang Alternative Delivery Mode.
Lakip sa mga apektado nga buluthuan amo ang sa La Carlota City nga may 30 ka schools kag may 17,642 nga learners, sa Negros Occidental nga may 34 ka mga eskwelahan kag ay 21,047 nga learners.
Samtang ang San Carlos City nga may 6 ka eswekalahan ang apektado man ang ila 1,960 ka mga learners.
Sa kabug-usan may yara tanan sang 70 ka mga eskwelahan kon sa diin may 40,649 tanan ka total learners.
Dugang ni Escullar nga tinghuwaan sang talatapan nga makapadayon sang klase ang mga estudyante ilabi na nga nagahilapit na nga magtakop ang school year.
