Nagakahangawa ang Philippine Coconut Authority sa padayon nga pagtaas sang presyo sang copra nga posible magtuga sang dako nga epekto sa presyo sang mga produkto sa merkado kag maghatag sang pressure sa inflation sa bilog nga pungsod.
Ginpahayag sang ahensya nga ang lubi sa Pilipinas ang yara na sa kritikal nga sitwasyon sa diin kun indi matutukan ang nagataas nga presyo sang copra, maapektuhan ang operasyon sa mga processors, kag mahimo ini mapasa sa mga consumers.
Ini nga pagtaas sang presyo sang copra ang nagresulta man sa pagtaas sang presyo sang refined, bleached, kag deodorized coconut oil (RBD CNO), nga amo ang ginagamit sang kadam-an sa pagluto.
Gintipon man sang PCA ang mga lider sang industriya sang niyog, lakip na ang mga negosyante sa coconut oil milling, kag refining sectors, agud maistoryahan ang posible nga solusyon sa pagtaas sang presyo sang lana kag iban pa nga produkto sang niyog.
