Gin-athag sang Iloilo City Traffic Transportation Office (TTMO) nga indi na pagkuhaon ang mga concrete separator sa Distrito sang Jaro apisar nga makapila na ka beses nga nabunggo-an.
Sa interview sang Bombo Radyo kay Retired Police Colonel Uldarico Garbanzos, head sang Iloilo City Traffic Transportation Office, iya ginpahayag nga ang pagbutang sang mga barriers sa amo nga lugar ang ginrekomendar para sa isa ka pagtuon sa mga traffic areas sa syudad.
Suno kay Garbanzos, ang pagpahamtang sang concrete separator ang palaagyan man agud disiplinahon ang mga motorista.
Gin-athag man sini nga tikang man ini agud ang mga pedestrian ang indi bisan diin lang magtabok.
Dugangan man sang talatapan ang mga traffic signages sa lugar agud nga mapaidalom sa traffic experimentation.
Madumduman nga sang damlag lang, isa ka Ford Ranger Pick-up ang nagbunggo sa concrete separator sa Brgy. Tagbak, Jaro, Iloilo City.
Nahibaluan nga nabuka gid ang apat ka concrete barriers sa nasambit nga dalan bangud sa impact sang pagkabunggo sang salakyan.
